أداك غرغ أزهر، إغ تكيت أسعدي
ماس تنّيت إولّي إيكان أدجارأسيدي
إيواسيف لّيغ أيزراي أونكي
متريغ أتحيديغ،أولا أيّد إحيدي
إغت يوجّا نتّا ،رايّي ياوي نكـّي
***
واوالّي إيكان غكْر إجديكن تزويت
إك لورد إعمر سواضو تورتيت
إك إبوتايري نتا اغار تيسغارت
إبدل المنزل،تـْـقارأولا تييافوت
***
إكوت أفلان مايجران، إزري
إفلد أرّاتن إتقصيدت نتايري
أرت إتّرا القلم تاكوري ستكوري
غمكلّي سيلا ووال لمعنى أولا تاووري
أوكان إزوك لعاقل أكين أد إوْرّي
إيك أوزواك أطان أركا يبرّي
***
ريغ أك سقساغ أييلال أبورّيش
عش إس دارك إصحا أوكتّاي، عش
منشك أتعبرت دكوت أولا قش
أور إفرس يا يزاورن إس إفرش
أولا مت إرواسن واخّا إحرش
إكا زود والّي إيكان إلامن غوالخنش
إزوور إتيّوكا أر إكرزغلحرش
أوراس إيلّي إمندي،أولا رتـْن إش
***
أوالّي إيكان لعين إتكسن إريفي
إك أولا أسلال إتكسن تغوفي
إك أسفار نوالي إيكْمْرن توطـْفي
إكاس أولا أسكلو إغرا يسّونفو
أراس إيسّوتورأزوزْوُو، أر إسّوفو
أيزايد ربّي إصّاعنك أرد يوفو
إك إيوسفللانك أرد أيسوفو
إك أمالونك إمات إران مَغْ أيْـتْـنْـفو
أحمد طاهيري ” ديوان أكلولو”
تم نظم هذه القصيدة بعد العودة إلى أرشيف الوجدان،وأغوارالعاطفة المنطوية على باقة من ذكريات الزمن الماضي،وهي ترسم نموذجا عفيفا للجار والخل والعشيرالحافظ للود والعهد…
احمد طاهيري : أستاذ اللغة العربية بالثانوية الاعدادية الزيتون، عضو المكتب المسير لجمعية التواصل بأولاد جرار
تعليقات